आगामी अक्टोवरमा काठमाडौंमा सम्पन्न हुन लागेको तेश्रो बिश्ब सम्मेलन, सँघको स्थायित्व, बिधान, वर्तमान र भावी परियोजनाका सम्बन्धमा बिभिन्न महत्वपुर्ण निर्णय गर्दै एनआरएन युरोपियन बैठक बेलायतको अल्डरसर्टमा सम्पन्न भएको छ।
भेलाले दोहोरो नागकिरता र संविधान सभामा मतदानको व्यवस्थाको लागि नेपाल सरकारलाई दवाव दिन पत्राचार गर्ने निर्णय गरेको छ । नेपालमा आगामि अक्टोवरमा आयोजना गरिने तेस्रो विश्व सम्मेलनको खाकार तयार गर्न बेलायतमा आयोजित सो भेलाले संविधान सभामा ग्रैर आवासिय नेपालीको सहभागिताको सुनिश्चितताका लागि सो निर्णय गरेको हो ।
भेलाले तेस्रो विश्व सम्मेलन संस्थागत विकास र स्थायित्वमा केन्द्रित हुनुपर्ने निष्कर्ष निस्कीएको छ । युरोपमा रहेका नेपालीहरुको बारेमा सम्मेलनताका नेपाल सरकारको ध्यानाकर्ष गराउने र सम्बन्धीत मन्त्रालयका जिम्मेवार अधिकारको उपस्थितीमा अर्तकि्रया कार्यक्रमको आयोजना गर्नुपर्नेमा भेलाका सहभागि एक मत भएका छन् ।
भेलाले संस्थाको संस्थागत विकासका लागि एनसिसि र आइसिसिका विच समन्वयन राख्नका लागि प्रस्तावित विधानको परिमार्जन गर्नुपर्ने प्रस्ताव समेत पारित गरेको छ । यसको जिम्मा डा।हेमराज शर्माले पाएका छन् । भेलाले नेपालमा निर्माण गर्न प्रस्ताव गरिएको भवन र यसवाट हुने आर्जनको सम्भाव्य अध्ययन गरी तेस्रो विश्व सम्मेलनमा प्रस्तुत गर्ने जिम्मा अशोक श्रेष्ठ र शुभाष अधिकारीलाई दिएको छ ।
डा जुगल र्भुतेललाई अन्तराष्ट्रिय समन्वय समितिको केन्द्रिय समितिवाट प्रस्तावीत अक्षय कोषको खाका तयार गर्ने जिम्मा पाएका छन् । भेला सहभागिहरुले संघको प्रभावकारीता र विकासयसका भावि परियोजनाका विषयमा केन्द्रित रहेको थियो ।
कार्यक्रममा केन्द्रिय अध्यक्ष डा उपेन्द्र महतोले प्रमुख आतिथ्य प्रदान गरेका थिए । भेलाको पहिलो सत्रमा विभिन्न देशका राष्ट्रिय समन्वय समितिका प्रतिनिधिहरुले आ-आफ्नो देशमा भएका गतिविधि र नेपालीले भोग्नु परेको समस्याको बारेमा प्रकाश पारेका थिए ।
अधिकांश वक्ताहरुले संघको विद्यमान संरचना र कार्यशैली परिर्वतन गरी संघको अन्तराष्ट्रिय समन्वयन समिति र राष्ट्रिय समन्वय समितिविच उचित समन्वयको विकास गर्नुपर्नेमा जोड दिएका थिए । उनीहरुले नेपाली राजदुत नभयको देशमा राहदानी बनाउने लगायतका सामान्य प्रशासनिक काममा समेत नेपालीले दुख पाउने गरेको गुनासो गरेका थिए ।
अन्य युरोपियन देशहरुसँग नेपालको कुटनैतिक सम्बन्ध बिस्तार गरी नेपालको प्राकृतिक सौदर्य र सस्कृतिको परिचय दिन सक्यो भने नेपालमा पर्यटन भित्र्याउन सकिने प्रसस्त संभावना भएको पनि बक्ताहरुले औल्याएका थिए।
बक्तब्य दिनेहरुमा बेल्जियमबाट युवराज गुरुङ, नेदरल्याण्डबाट रामबाबु नेपाल, युक्रेनबाट कृष्ण कायस्थ, पोर्चिगलबाट पुर्ण हमाल, युकेबाट अशोक श्रेष्ठ, रुसबाट मणिराज पोखरेल, फ्रान्सबाट बिनोद शर्मा, साइप्रसबाट बुद्द सिह बराली हुनु हुन्थ्यो । यसै गरी युरोप बाहिरबाट कतारका बद्री पाण्डे र क्यानाडा प्रतिनिधिले पनि बोल्नु भएको थियो। बैठकमा उपस्थित हुन नसक्ने स्पेन लगायतका देशहरुले लिखित रुपमा आफ्ना भनाई राखेका थिए ।
बैठकको दोश्रो सत्रमा तेश्रो बिश्व सम्मेलनको तयारीमा भएका प्रगती, सँघको स्थायित्व, बिधान र संगठनात्मक संरचना बारे छलफल भएको थियो। सम्मेलन तयारीका सम्बन्धमा आयोजक समितीका तर्फबाट चिरनजिबी ढकालले हाल सम्म भएको प्रगतीको जानाकारी दिएका थिए ।
सँघको स्थायित्वबारे अध्यन गर्न बनेको समितिको तर्फबाट रामबाबु नेपालले प्रगती बिवरण पेश गर्नु भएको थियो। यसैगरी डा. हेम राज शर्माले 'सँघको प्रस्तावित बिधान र अन्तराष्ट्रिय समन्वय समिति र राष्ट्रिय समन्वय समिति बिच समन्वय' बिषयक एक कार्यपत्र पेश गरेका थिए । सँघको स्थायित्वको लागि आबश्यक पर्ने कोषको समब्धमा पनि यसै सत्रमा छलफल भएको थियो।
एनआरएन भवन निर्माण गरी यसबाट हुने आर्जनको संभाब्यता बारे अशोक श्रेष्ठ र शुभाष अधिकारीले बैठकमा कार्यपत्र पेश गरेका थिए भने जिवा लामिछानेले सँघ द्वारा स्थापित प्रशासनिक अक्षय कोषका बारे भएको प्रगतिका बारे जानाकारी दिएका थिए । तेस्रो सत्रमा सँघका बिभिन्न परियोजना, संसदमा बिचाराधिन एनआरएन सम्बन्धि बिधयक, एनआरएनको आधिकारिक दर्ता, दोहोरो नागरिकता, प्रवासी नेपालीलाई मतदानको ब्यबस्था आदि बिषयकमा छलफल भएको थियो ।
एनआरएन अभियानको मुल्याङ्कन गर्दै प्रो सुर्य सुबेदीले एनआरएन स्थापना कालमा परिकल्पना गरिए भन्दा फरक ढङगले चलेको आफुले पाएको बताउनु भएको। प्रवासी नेपालीहरुले अहिले अपेक्षा गरे अनुसार एनआरएनले काम गर्न चुनौतीपुर्ण भएको बताए ।
कार्यक्रमको सञ्चालन खगेन्द्र नेपालीले, स्वागत भाषण चिरनजिवी ढकाल, र धन्यबाद ज्ञापान कृष्ण भट्टले गरेका थिए ।
तस्विर : नेपाल समाचार
