क्रान्ति मौसमीले नचाए बेल्जियमबासी नेपालीलाइ

‘पार्टी नेपाल’ को सक्रियतामा र तमु समाज बेल्जियमको आयोजनामा गायक क्रान्ती आले ,मौसमी गुरुङ डि जे रबिन र स्थानिय कलाकार का साथ “साँगितिक यात्रा युरोप २००७” सफलता साथ सम्पन्न भएको छ। कार्यक्रम हेर्न करिब ३५० नेपालीको उपस्थिति रहेको हाम्रा सहकर्मि येसु थापाले जानकारी दिएकी छिन । अत्याधिक गर्मीको अबस्थामा पनि उठेरै भएपनि दर्सकले सो कार्यक्रम हेरेका थिए। धेरै दर्शकको चापले आयोजकहरुलाइ सिटको ब्यबस्था गर्न धौ धौ परेको थियो।










कार्यक्रमको सुरुवात एन आर एन बेल्जियमका अध्यक्ष्य युबराज गुरुङले स्वागत मन्तब्य दिनु भएको थियो ।कार्यक्रममा क्रान्ति र मौसमी को गीतले दर्सकलाइ निकै उत्सहित गरेको थियो। क्रान्तिको गीतलाइ दर्सकले अत्येन्तै मनपराए । अनि स्थानिय कलाकार को प्रसुतीले कार्यक्रममा निकै उत्साह थपेको थियो।

उक्त अबसरमा कार्यबाहक राजदूत अंबिका लुइटेलबाट प्रसंसा पत्र तथा तमु समाजबाट उपहार बितरण गरिएको थियो।

कार्यक्रम मा डि जे रबिनबाट नेपाली डिस्को प्रस्तुत गर्दा पुरा हल रातको करिब १०.३० सम्म नाचेको थियो ।


लोकप्रिय ब्याण्ड १९७४ ए डि को साथ गएको वर्षमा ‘पार्टी नेपाल’ ले “साँगितिक यात्रा युरोप ” सफल आयोजना गरेको थियो ।