नचाए स्पेनिसलाई नेपाली रक गाएकले

जगदीश सापकोटा (बार्सिलोना, स्पेन)

आमीक्स देल नेपाल को (Amics Del Nepal) आयोजनामा स्पेनको बार्सीलोनामा नेपाली रक ब्यान्डले नेपाली गीतहरु गाएर नेपालीहरु भन्दा धेरै संख्यामा उपस्थित स्पेनिसहरुलाई छम-छम नचाएका थिए। १७ अक्टोबरको दिन बार्सीलोनाको काइए, मुन्तानेर २४६ (C/Muntaner 246) मा संम्पन्न उक्त कार्येक्रम नेपाली रक ब्यान्डका मास्टर मानिने मुक्ति शाक्यका गीतहरुले जुरुक-जुरुक बनाएको थियो भने वान्स मोर-वान्स मोर भनि तालीका साथ अनुरोध गरेको पनि देखिन्थ्यो। नेपाल र नेपाली प्रति माया र चासो राख्न्ने स्पेनिसहरुले छुट्टै आनन्द लिएर रमाएका देखिन्थे। रक ब्यान्ड मास्टर मुक्तिलाई साथ दिएका थिए स्पेनवाशी अर्का नेपाली कलाकार तथा गाएक राजुले।

बेलुका ९:३० बाट शुरूभएको कार्येक्रम राती झंन्डै १२ बजे सकिएको थियो। आमीक्स देल नेपालका संस्थापक रामोन भिलादोमातले नेपाल र नेपालीको चिनारी गराउंदै संकलित रकम नेपालमा पिछडिएका टुहुरा बालबच्चाहरुको शिक्षाको लागि खर्च गरिने जानकारी गराउनुभएको थियो।