रोचक प्रसङ: १९ वर्ष पछी बल्ल होसमा

पोल्यान्डका एक पुरुष बेहोस भएको १९ वर्ष पछी होसमा आएका छन् ।

सन् १९८८ मा एउटा रेलले ठक्कर दिएपछि कोमामा गएका जान ग्रजेब्स्की होसमा आउँदा पूरै परिवेश परिवर्तन भइसकेको छ ।
आफू स्वस्थ हुनुमा आफ्नी पत्नी गर्टुको अथक प्रयास जिम्मेवार रहेको उनले बताएका छन् ।


१९ वर्षेखि उनले निरन्तर २४ सै घण्टा कोमामा रहेका आफ्ना पतिको सेवा गरेकी थिइन् ।

यो १९ बर्षको दौरानमा पोल्यान्डमा धेरै परिवर्तन भएको छ। ग्रेज्ब्स्की होसमा आउँदा उनको देशमा कम्युनिस्ट शासनको पतन भै सकेको थियो। उनका चार बालबालिका सबैको बिहे भएर ११ जना नातिनातिनी समेत भइसकेको छ।